Voleybol üzrə Azərbaycan millisi təsnifat məshələsinə hazırlıqlara start verib
![](/uploads/posts/2024-07/medium/1720802026_68afc45f-4225-3f3a-b726-c13ec49b5de1_850.jpg)
Kişi voleybolçulardan ibarət Azərbaycan millisi Avropa çempionatının (EuroVolleyM 2026) təsnifat məshələsinə hazırlıqlara start verib.
BrendSport.az xəbər verir ki, yığma komandanın baş məşqçisi Fərid Cəlalov təlim-məşq toplanışına 16 voleybolçu cəlb edib.
Məşqlər gündə iki dəfə olmaqla GİN-nin Voleybol Mərkəzində təşkil olunur. Təlim-məşq toplanışı çərçivəsində yoxlama oyunlarının keçirilməsi də nəzərdə tutulub.
Qeyd edək ki, millimiz təsnifat mərhələsinin ilk matçını avqustun 17-də səfərdə Avstriya komandasına qarşı keçirəcək. Voleybolçularımız bir həftə sonra, avqustun 24-də Bakıda Belçika yığmasını qəbul edəcəklər. Təsnifat mərhələsinin formatına uyğun olaraq növbəti iki qarşılaşma 2025-ci ilin avqustunda baş tutacaq.
Seçmə mərhələdə 21 yığma komanda 7 qrupda mübarizə aparacaq. Yekunda qrup qalibləri və 5 ən yaxşı qrup ikincisi olacaq kollektivlər Avropa çempionatında iştirak hüququ qazanacaqlar.
Facebook-da paylaş
![](http://tedbirler.az/ted1-660.gif)