Gənclər və idman naziri Fərid Qayıbov MMA döyüşçüləri Mehman Məmmədov, Vüqar Kərəmov və məşqçi Ruslan Əfəndiyev ilə görüşüb.

BrendSport.az Gənclər və İdman Nazirliyinin ictimaiyyətlə əlaqələr şöbəsinə istinadla xəbər verir ki, F.Qayıbov idmançıların beynəlxalq yarışlarda iştirakı və onların qarşıdakı turnirlərə hazırlıq prosesi ilə maraqlanıb.

Görüşdə döyüşçülərin təlim-məşq toplanışları, yarışlarda iştirakı, eləcə də uğurlu xarici təcrübənin öyrənilməsi məsələləri ətrafında fikir mübadiləsi aparılıb.

Beynəlxalq turnirlərə hazırlıq barədə məlumat verən R.Əfəndiyev bildirib ki, hazırda əsas diqqət iyulun 29-da Yaponiyanın paytaxtı Tokioda keçiriləcək yarışa yönəlib.