Avrokuboklarda qrup mərhələsinin ilk turunun oyunlarından sonra UEFA-nın yeni reytinq siyahısı açıqlanıb.
BrendSport.az xəbər verir ki, UEFA Konfrans Liqasının H qrupunun ilk turunda Bakıda İsveçrənin “Bazel” komandası ilə qolsuz heç-heçə edən “Qarabağ” Azərbaycanın aktivinə daha 0,125 xal yazdırıb.
Bununla da cari mövsümdə Azərbaycanın xal sayı 2,125-ə, son 5 mövsümdə ümumi xal sayı isə 14,750-ə çatıb. Əldə edilən xallarla Sloveniyanı üstələmək mümkün olub. Hazırda Azərbaycan 29-cu, Sloveniya isə 30-cudur.