"Fənərbağça" Türkiyə millisinin və Portuqaliyanın "Benfika" klubunun futbolçusu Kərəm Aktürkoğlunun keçidini həll edib.

BrendSport.az xəbər verir ki, İstanbul təmsilçisi yarımmüdafiəçinin transferi üçün Lissabon klubu ilə anlaşıb. “Fənərbağça” Aktürkoğluna görə qarşı tərəfə ümumilikdə 25 milyon avro təzminat ödəyəcək.

İddiaya görə, futbolçu artıq “Benfika”dakı komanda yoldaşları ilə vidalaşıb. Onun yaxın vaxtlarda İstanbula gələcəyi gözlənilir.

Qeyd edək ki, Kərəm Aktürkoğlu “Benfika”ya 2024-cü ilin sentyabr ayında “Qalatasaray”dan keçib.