“Aston Villa”nın hücumçusu Olli Uotkins 2023-cü ildə Premyer Liqada 20 qol limitini vuran üçüncü futbolçu olub.

BrendSport.az xəbər verir ki, ondan başqa bunu “Mançester Siti”nin hücumçusu Erlinq Haaland və “Liverpul”un futbolçusu Mohammad Salah ediblər.

İngiltərə Premyer Liqasının 14-cü turunun bir gün əvvəl, dekabrın 3-də keçirilən “Aston Villa” – “Bornmut” matçında Uotkinsin qolu birmingemliləri məğlubiyyətdən xilas edib.

Bu mövsüm Premyer Liqada cəmi 14 matçda Olli səkkiz qol vurub və altı məhsuldar ötürmə edib.