Nərimanov rayonunda “Silinməz yazıdır 20 Yanvar!” mövzusunda məktəblilər arasında keçirilmiş inşa-yazı və rəsm müsabiqəsinə yekun vurulub.

BrendSport.az saytının Gənclər Şöbəsi xəbər verir ki, altı gün davam edən müsabiqə Nərimanov Rayon Gənclər və İdman İdarəsi tərəfindən təşkil edilib. Münsiflər heyətinin qərarına əsasən, rəsm müsabiqəsində Azər Əliyev (193 nömrəli tam orta məktəb) və Murad Hüseynov (“Tərəqqi” liseyi) birinci yerə layiq görülüblər. İnşa-yazı müsabiqəsində isə birinci yeri Fidan Həmidzadə (Məktəb-Lisey Kompleksi) və Fatimə Həsənli (“Tərəqqi” liseyi) tutublar.

Qaliblər müvafiq dərəcəli diplom, fəxri fərman və medallarla təltif olunacaqlar.