UEFA Avropa Liqasının qrup mərhələsində Norveçdə "Molde" və "Qarabağ" komandaları arasında keçiriləcək V turun oyununa satılmış biletlərin sayı açıqlanıb.

BrendSport.az xəbər verir ki, vacib qarşılaşma üçün cəmi 5 min bilet satılıb. Oyun saatına kimi bu rəqəmin ən yaxşı halda 6 minə çatacağı ehtimal olunur.

"Aker" stadionunda oynanılacaq görüş Bakı vaxtı ilə saat 00:00-da başlayacaq. Matçı belçikalı Erik Lambrexts idarə edəcək.

Dörd turdan sonra "Qarabağ" 6 xalla qrup ikincisidir. Eyni xala malik "Molde" isə üçüncü pillədə qərarlaşıb.