Almaniyanın "Borussiya Dortmund" komandasının müdafiəçisi Mats Hummels mövsümün sonunda karyerasını bitirmək niyyətindədir.

BrendSport.az xəbər verir ki, 35 yaşlı futbolçu yayda başa çatacaq müqaviləsini yeniləmək istəmir.

İddiaya görə, baş məşqçi Edin Terziçin təcrübəli futbolçuya son turlarda daha az şans verməsi onun bu addımı atmasına səbəb olan amillərdən biridir.

Qeyd edək ki, Mats Hummels karyerası ərzində “Borussiya Dortmund”la yanaşı, “Bavariya”da da çıxış edib. O, Almaniya millisinin heyətində 78 matçda meydana çıxıb.