Daha bir ulduz futbolçu “Əl-Nəsr”ə keçir
![](/uploads/posts/2023-07/medium/1690526854_22541406-af04-3a45-9641-42a7a62f3e47_850.jpg)
Daha bir ulduz futbolçu Səudiyyə Ərəbistanının “Əl-Nəsr” klubuna keçir.
BrendSport.az xəbər verir ki, bu barədə italiyalı insayder Fabritsio Romano sosial şəbəkədə paylaşım edib.
Onun sözlərinə görə, Almaniyanın “Bavariya” klubunun hücumçusu Sadio Mane “Əl-Nəsr”lə danışıqları yekunlaşdırıb. Klublar arasında da ilkin razılıq əldə olunub. Seneqallı forvardın 37 milyon avro müqabilində yaxın günlərdə yeni komandasına keçidinin rəsmiləşməsi gözlənilir.
Sadio Mane 2022/2023 mövsümündə “Bavariya”nın heyətində 38 oyunda 12 qol vurub, 6 məhsuldar ötürmə verib.
Qeyd edək ki, Kriştianu Ronaldu, Aleş Telleş, David Ospina, Marselo Brozoviç və Taliska kimi tanınmış futbolçular hazırda “Əl-Nəsr”də çıxış edirlər.
Facebook-da paylaş
![](http://tedbirler.az/ted1-660.gif)