"Mançester Yunayted"in təcrübəli hücumçusu Zlatan İbrahimoviç cari mövsüm qarşıya qoyulan məqsəddən danışıb.

Təcrübəli futbolçu İngiltərə çempionu olmaq istədiyini qeyd edib.

"Mançester Yunayted"ə qayıtdım ki, işimi başa vurum. İlk mövsümümdə 3 titul qazandıq. Amma sonluq istədiyim kimi alınmadı. Məqsədim Premyer Liqada çempion olmaqdır. İlk mövsümdə baş tutmayan işi ikinci mövsümdə reallaşdırmaq mümkündür".

36 yaşlı forvard aprelin sonunda "Anderlext"lə oyunda dizindən zədə almışdı. Avqustun 24-ü isveçli ulduz "qırmızı şeytanlar"la 1 illik yeni müqavilə imzalamışdı.

Milli.az