Robert Prosineçki Azərbaycan milli komandasından getmək qərarına gəlib. Xorvat mütəxəssis qərarını index.hr saytına açıqlayıb.

Prosineçki yaxın günlərdə Azərbaycana gələrək AFFA ilə müzakirələr aparacağını bildirib: "Azərbaycanda qalmayacağam. Yeni təkliflər üzərində düşünəcəm".

O, Sloveniya millisinə başçılıq edəcəyi ilə bağlı xəbərləri təkzib edib: "Almaniyadan dünən gecə qayıtmışam. Zaqrebə 12 saata gəlib çıxmışam. Bu barədə xəbərləri mətbuatdan oxudum. Ola bilər ki, sloveniyalılar məni milli komandada görmək istəyir. Amma hələ heç kim mənimlə danışıqlar aparmayıb".