Minifutbol üzrə Azərbaycan millisi Monteneqronun paytaxtı Podqoritsada keçiriləcək beynəlxalq turnirdə iştirak edəcək.

BrendSport.az xəbər verir ki, yarış 30 aprel - 1 may tarixlərində təşkil olunacaq.

Turnirdə millimizlə yanaşı, son dünya çempionu Rumınya, Bosniya və Herseqovina, Albaniya və Monteneqro komandaları iştirak edəcəklər.

Yığmamızın turnirdən əvvəl Monteneqronun Herseq Novi şəhərində 1 həftəlik təlim-məşq toplanışı nəzərdə tutulub.