Çempionlar Liqasının qrup mərhələsində “Qarabağ”la qarşılaşacaq “Roma”nın baş məşqçisi Eysebio Di Françesko sosial şəbəkələrdə hesab açıb. Bu barədə İtaliya klubunun rəsmi saytı xəbər yayıb.

Bildirilib ki, italiyalı çalışdırıcı ilk dəfə instaqram və tviterdə özünə səhifə yaradıb. Françeskonun ilk paylaşımı isə “Qarabağ”la bağlı olub.

Belə ki, 48 yaşlı mütəxəssis bütün azarkeşləri “Qarabağ”la oyuna dəvət edərək onlardan kluba dəstək olmalarını xahiş edib.

Qeyd edək ki, “Roma” – “Qarabağ” oyunu dekabrın 5-də, saat 23:45-də start götürəcək.