[medium]http://brendsport.az/uploads/posts/2017-09/1504694317_aa.jpg[/medium

İtaliyada təlim-məşq toplanışında olan qadın voleybolçulardan ibarət Azərbaycan milli komandası növbəti yoxlama oyunu keçirib. Goal.az xəbər verir ki, Faiq Qarayevin rəhbərlik etdiyi kollektiv ikinci dəfə İtaliya yığması ilə üz-üzə gəlib. Milanda baş tutmuş görüş meydan sahiblərinin 3:2 (22-25, 22-25, 25-20, 25-22, 15-13) hesablı qələbəsi ilə nəticələnib.

Qeyd edək ki, bu kollektivlər arasındakı ilk görüşdə də italiyalılar qalib gəlmişdilər - 3:0. Təlim-məşq toplanışı 22 sentybar – 1 oktyabrda Azərbaycan və Gürcüstanda təşkil olunacaq Avropa çempionatına hazırlıq xarakteri daşıyır.