İtaliyanın “Yuventus” komandasının yarımmüdafiəçisi Federiko Kyeza klubun tarixinə düşüb.
BrendSport.az xəbər verir ki, 24 yaşlı futbolçu Çempionlar Liqasının qrup mərhələsində “Zenit”lə oyunda bunu bacarıb.
Komandasının 4:2 hesablı qələbəsinə 1 qolla töhfə verən İtaliya millisinin üzvü Çempionlar Liqasında ardıcıl 4 ev oyununda fərqlənməyi bacaran ikinci “Yuventus” futbolçusudur. O, “qoca sinyora”nın sabiq hücumçusu David Trezegeyə məxsus rekordu təkrarlayıb. Fransalı 20 il əvvəl – 2001-ci ilin noyabrında turnirin ardıcıl 4-cü ev matçında qol vurub.
Qeyd edək ki, ilk 4 turda 12 xal qazanan “Yuventus” səkkizdəbir final mərhələsinə vəsiqəni rəsmiləşdirib.