Qusar Olimpiya İdman Kompleksində ilk dəfə qış idman növünün inkişafı istiqamətində məşqlər keçirilir.

BrendSport.az xəbər verir ki, dağ xizəkçiliyinin moqul növü üzrə hazırlıqlar yaponiyalı mütəxəssis Zünko Hosinonun rəhbərliyi altında aparılır. Onlar hələlik fiziki çalışmaları yerinə yetirirlər. Praktik məşqlər isə Şahdağ Turizm Mərkəzindəki Dağ Xizək Rezortunda aparılır.

Qeyd edək ki, Zünko Hosino Soçi-2014 və Pekin-2022 Qış Olimpiya Oyunlarında iştirak edib, 2020-ci il Dünya Kubokunda gümüş medal qazanıb. O, karyerasını 2022-ci ildə, 33 yaşında olarkən başa vurub.