Almaniyanın “Bavariya” klubu 13 ildən sonra ilk dəfə avrokuboklarda İtaliya klubuna məğlub olub.

BrendSport.az xəbər verir ki, münhenlilər ötən gün UEFA Çempionlar Liqasının 1/8 final mərhələsinin ilk oyununda səfərdə “Latsio”ya 0:1 hesabı ilə uduzub.

Bundesliqa nəhəngi sonuncu dəfə 2011-ci ilin mart ayında avrokuboklarda İtaliya təmsilçisi ilə bacarmayıb. Münhenlilər həmin vaxt Çempionlar Liqasının 1/8 final mərhələsinin cavab qarşılaşmasında “İnter”lə dueldən məğlub ayrılıb - 2:3.

Qeyd edək ki, “Bavariya” “Latsio” ilə cavab görüşünü martın 5-də keçirəcək.