“Red Bull” komandası “Formula 1” üzrə dünya çempionatının 2023 mövsümündə qazandığı kubokları nümayiş etdirib.

BrendSport.az xəbər verir ki, Avstriya təmsilçisi mövsüm ərzində ümumilikdə 51 mükafat əldə edib.

22 Qran-pridən 21-də komanda şəklində kuboka sahib olan “Red Bull”un pilotları ümumilikdə 30 dəfə podiuma çıxıblar. Dünya çempionu Maks Ferstappen 21 dəfə fəxri kürsüyə qalxıb ki, bunun 19-da qələbə qazanıb. Serxio Peres isə ikisi birinci yer olmaqla, 9 dəfə ilk “üçlük”də qərarlaşıb.

Qeyd edək ki, 575 xal toplayan Maks Ferstappen 3-cü dəfə dünya çempionu olub. Onun komanda yoldaşı Serxio Peres 285 xalla ikinci yeri tutub. Komandaların yarışında isə “Red Bull” 860 xalla birinciliyə sahib çıxıb.