Futzal üzrə UEFA kubokunun əsas mərhələsinin oyunlarının vaxtı açıqlanıb.

Azərbaycan çempionu “Araz” H qrupunda mübarizə aparacaq.

Naxçıvan təmsilçisi oktyabrın 11-də Bosniya və Herseqovinanın “Mostar” klubu ilə qarşılaşacaq. Oyun Bakı vaxtı ilə saat 17:30-da start götürəcək. Oktyabrın 12-də isə təmsilçimiz Maltanın “Luksol Sent Endryu” klubu ilə üz-üzə gələcək. Bu görüş də Bakı vaxtı ilə saat 17:30-da başlayacaq.

“Araz” oktyabrın 14-də son turun oyununda meydan sahibi “Deva” ilə görüşəcək. Qarşılaşma Bakı vaxtı ilə saat 20:00-da başlayacaq.


Qol.az