Faydalı saytlar


Reklam

VİDEO Bütün Xəbərlər

İbrahim Şehiç: Qarabağ Azərbaycandır


Türkiyənin “Konyaspor” futbol klubunun qapıçısı İbrahim Şehiç Azərbaycan Ordusuna dəstək nümayiş etdirib.
BrendSport.az xəbər verir ki, bosniyalı qapıçı şəxsi “Instagram” hesabında bununla bağlı paylaşım edib: “Dualarım sizinlədir, əziz dostlarım. Qarabağ Azərbaycandır”.
Otuz bir yaşlı futbolçu 2013-2018-ci illərdə “Qarabağ”da çıxış edib.


Beynəlxalq təşkilatlar MOK-un Ermənistanın Azərbaycana hərbi təxribatı ilə bağlı müraciətinə reaksiya verib

Beynəlxalq təşkilatlar MOK-un Ermənistanın Azərbaycana hərbi təxribatı ilə bağlı müraciətinə reaksiya verib


Azərbaycan Milli Olimpiya Komitəsinin (MOK) əməkdaşlıq etdiyi beynəlxalq təşkilatlar sentyabrın 27-dən Ermənistanın Azərbaycana qarşı növbəti hərbi təxribatı və bundan sonra Azərbaycanın başlatdığı əks-hücum əməliyyatı haqqında qurumun rəsmi müraciətinə münasibət bildirib.
MOK-dan BrendSport.az-a bildiriblər ki, komitənin əməkdaşlıq etdiyi beynəlxalq təşkilatlar münaqişənin tezliklə siyasi və hökumət səviyyəsində sülh yolu ilə ədalətli həllinin tapılacağına ümid etdiklərini vurğulayıblar.
MOK-un vitse-prezidenti Çingiz Hüseynzadə Beynəlxalq Olimpiya Komitəsi, Avropa Olimpiya Komitəsi, Milli Olimpiya Komitələrinin Assosiasiyası, İslam Həmrəyliyi İdman Federasiyasının rəhbər şəxslərinə oktyabrın 1-də müraciət ünvanlayıb. Müraciətdə Ermənistan hökumətinin 26 ildən artıq müddətdə davam edən sülh danışıqlarını kobudcasına pozması, son illərdə Azərbaycan xalqına və dövlətinə qarşı təxribatların törədilməsi, sentyabrın 27-dən başlayaraq işğal olunmuş Azərbaycan əraziləri ilə həmsərhəd bölgələrdə atəşkəs rejiminin kobud şəkildə pozulması, o cümlədən yaşayış ərazilərinin Ermənistan hərbi qüvvələri tərəfindən ağır artilleriya atəşi və raket hücumuna məruz qalması qeyd olunur. Mövcud beynəlxalq hüquq və prinsiplərə zidd olan bu təcavüz nəticəsində Azərbaycan tərəfindən qadınlar, qocalar və uşaqlar da olmaqla mülki şəxslərin, o cümlədən idmançıların həlak olduğu bildirilir.
Müraciətdə bildirilir ki, erməni hökumətinin beynəlxalq prinsiplər və Olimpizm dəyərlərinə zidd olan bu hərəkəti Azərbaycan idman ictimaiyyəti arasında kəskin etiraza səbəb olub. Ermənistan tərəfinin insanlıq əleyhinə yönəlmiş bu kimi təcavüzkar hərəkətlərinin pisləndiyi müraciətdə beynəlxalq təşkilatlar Azərbaycanın ərazi bütövlüyünün təmin olunması üçün ölkəmizin beynəlxalq hüquq və prinsiplər çərçivəsində haqlı mövqeyini dəstəkləməyə çağırılır.


Facebook-da paylaş