Səbail rayonunda gənclər arasında stritbol üzrə turnir keçirilib.
BrendSport.az xəbər verir ki, 189-190 nömrəli tam orta məktəbdə keçirilən yarış 2 Fevral - Azərbaycan Gəncləri Gününün təsis edilməsinin 25 illiyi münasibəti ilə “Gənclər həftəsi” çərçivəsində təşkil edilib.
Yekun nəticələrə görə, birinci yeri 329 nömrəli tam orta məktəbin komandası qazanıb. İkinci yerdə 189-190 nömrəli məktəbin komandası qərarlaşıb. Üçüncü yerə isə 49 nömrəli intellekt məktəb-liseyin komandası layiq görülüb.
Yarış Səbail Rayon Gənclər və İdman İdarəsinin təşkilatçılığı ilə keçirilib.