Şpaqaçımız Kənan Əliyev Parisdə dünya kubokunun mərhələ yarışında iştirak edib.

BrendSport.az Azərbaycan Qılıncoynatma Federasiyasının saytına istinadla xəbər verir ki, qrup mərhələsində keçirdiyi altı görüşün üçündə qələbə qazanan K.Əliyev pley-offa adlayıb. Bu mərhələdə ilk görüşdə Misir idmançısı Ayman Fayezə 15:11 hesabı ilə qalib gələn şpaqaçımız 1/64 finalda Çexiya təmsilçisi Martin Çapekə 13:15 hesabı ilə uduzub.