Futbol üzrə Yunanıstan çempionatının 2022-2023-cü il mövsümünə yekun vurulub.
BrendSport.az xəbər verir ki, qalib çempionatın sonuncu – XXXVI turunda bəlli olub. Belə ki, çempionluğa AEK və “Panatinaikos” klubları iddia ediblər. Lakin sonuncu turda AEK “Volos”u 4:0 hesabı ilə məğlub etsə də, “Panatinaikos” “Aris” ilə heç-heçə edib – 1:1.
Xallarının sayını 83-ə çatdıran AEK çempionluğu bayram edib.
“Panatinaikos” Yunanıstan çempionatını ikinci, “Olimpiakos” isə üçüncü pillədə başa vurublar.
Qeyd edək ki, AEK 13 dəfə Yunanıstan çempionu olub və 15 dəfə ölkə kubokunu qazanıb.