Faydalı saytlar


Reklam

VİDEO Bütün Xəbərlər

ÖZSÜD - DOĞRU SEÇİM



Türkiyə Superliqası: Səfərdə qalib gələn “Beşiktaş” lider “Başakşəhər”lə arasındakı xal fərqini azaldıb



Noyabrın 24-də futbol üzrə Türkiyə Superliqasının XIII turunda turnir cədvəlində yeddinci pillədə yer alan “Beşiktaş” komandası səfərdə “Ankaragücü” ilə qarşılaşıb.

BrendSport.az xəbər verir ki, matçda İstanbul təmsilçisi 4:1 hesabı ilə qalib gəlib. Oyunda hesab 23-cü dəqiqədə Adəm Ljajicin vurduğu qolla açılıb - 1:0. İyirmi yeddinci dəqiqədə Mustafa Pektemek hesab arasındakı fərqi ikiyə çatdırıb. Qonaq komandanın daha bir qolunu 44-cü dəqiqədə Güvən Yalçın vurub.

Fasilədən sonra meydan sahibləri qollardan birinin əvəzini çıxıblar. Paytaxt komandasının heyətində Mostafa El Kabir 86-cı dəqiqədə fərqlənib - 3:1. Bundan iki dəqiqə sonra Oğuzhan Özyakup sonuncu qolu rəqib qapısından keçirib.

Bu qalibiyyətdən sonra hesabındakı xallarının sayını 21-ə çatdıran Şenol Günəşin komandası rəqib “Ankaragücü”nü qabaqlayaraq turnir cədvəlində beşinci pilləyə yüksəlib.

Xatırladaq ki, çempionluq uğrunda yarışan komandalardan “Qalatasaray” dünən öz meydanında “Konyaspor”u məğlub edə bilməyib – 1:1.

Sabah maraqla gözlənilən qarşılaşmalardan “Trabzonspor” – “Fənərbağça” görüşü olacaq.

Tura noyabrın 26-da keçiriləcək “Göztəpə” – “Başakşəhər” matçı ilə yekun vurulacaq.

On üç turdan sonra “Başakşəhər” komandası 27 xalla çempionatın vahid lideridir. Hesabında 24 xal olan “Qalatasaray” ikinci sırada qərarlaşıb. 22 xal toplayan “Kasımpaşa” üçüncü pillədədir.


Facebook-da paylaş