Eynalov Elvin Ərəstun oğlu 1992-ci ildə Şamaxı şəhərində anadan olub. Orta təhsilini Elşən Hüseynov adına 2 saylı tam orta məktəbdə alıb.

BrendSport.az saytı xəbər verir ki, uşaq yaşlarından poverliftinq idman növünə həvəs göstərmiş, orta məktəb illərində artıq yarışlarda iştirak edərək qalib olmuşdur.

İdmana olan bağlılığı onu Bədən Tərbiyəsi və İdman Akademiyasında təhsil almağa yönəltmişdir. O təkmübarizlik fakültəsində təhsil alaraq özünü beynəlxalq arenada keçirilən yarışlarda da doğrultmuşdur.

Elvin həm orta məktəbdə, həm də ali məktəb illərində bir çox tədbirlərdə şəxsi fəallığı ilə seçilmişdir.

Ötən illər ərzində o, poverliftinq idman növü üzrə 8 dəfə Azərbaycan çempionu, 3 dəfə Avropa çempionu, 1 dəfə Dünya çempionu adını qazanmışdır.

2015-2016-cı illərdə Azərbaycan Respublikasının Silahlı Qüvvələrində xidmət keçmiş və komandir heyəti tərəfindən təşəkkürnamə ilə təltif olunaraq nümunəvi əsgər kimi ordudan təxris olmuşdur.

Hazırda Şamaxı Regional Kollecində idman müəllimi kimi fəaliyyət göstərir.

Alxas Məmmədov