Bu sözləri "Keşlə”yə keçidi alınmayan ukraynalı yarımmüdafiəçi Anton Postupalenko deyib. Klubun Antalyadakı düşərgəsindən sınaq matçında meydana çıxmadan geri qayıdan futbolçu həmyerlilərinə danışıb:

"Onlarla nə müqavilə bağladım, nə də bir söz verdim. Klubun düşərgəsinə yollandım və məşqdə gördüm ki, komanda çox zəifdi. Həmçinin legionerləri də güclü deyil. Gələcəyimi yalnız Ukrayna çempionatında görürəm. Fikrimcə, şərq ölkələrində başqa mentalitet var, hər şey fərqlidi”.

Qeyd edək ki, mövsümün ilk yarısında "Olimpik”də top qovan Postupalenko "Keşlə”dən öncə yerli "Veres”də 1 gün baxışda olmuş və ayrılmışdı.