Bakıda keçiriləcək Avropa Liqasının final oyunu günü nəqliyyat pulsuz olacaq. BrendSport.az xəbər verir ki, bunu AFFA-nın baş katibi Elxan Məmmədov qurumun Növbəti Hesabat Konfransında açıqlayn.



O, bilet sahibləri və akkreditasiyası olan şəxslər oyun günü nəqliyyatdan pulsuz istifadə edə biləcəklərini qeyd edib: “Bu, böyük addımdır və dövlətimizə AFFA adından minnətdarıq. Üç gündən sonra UEFA onlayn bilet satışına başlanılacaq. Çalışın, bileti tez alın. Dekabrda UEFA-nın VİP biletləri satışa çıxdı. 1500 bilet elə həmin ay satıldı. Azərbaycan daxilindən cəmi 19 bilet alındı. Gözləntimiz hava limanı vasitəsilə 20 min azarkeşin Bakıya gəlişidir. ”.



Qeyd edək ki, mayın 29-da Bakı Olimpiya Stadionunda keçiriləcək finalın saat 23:00-da başlayacaq.