UEFA "Mançester Yunayted"i cərimə edib. Buna səbəb Çempionlar Liqasının II turunda evdə "Valensiya" ilə keçirilmiş oyunun vaxtında başlamaması olub. UEFA İntizam Komitəsi komandanı buna görə 15 min avro cərimələyib.

Qeyd edək ki, "Mançester Yunayted"in avtobusu tıxaca düşdüyünə görə oyunun keçirildiyi "Old Trafford" stadionuna matıçın başlama vaxtından bir neçə dəqiqə sonra çatıb. Vaxtından gec başlayan oyun 0:0 hesabı ilə yekunlaşıb.