“Bavariya”nın yarımmüdafiəçisi Arturo Vidal karyerasını “Barselona”da davam etdirə bilər.

İspaniya mətbuatının yaydığı xəbərə görə, Kataloniya klubu həm çilili futbolçu, həm də klubu ilə razılığa gəlib. İddiaya görə, ispanlar bu keçid üçün Münhen təmsilçisinə 30 milyon avro ödəyəcəklər.

31 yaşlı futbolçunun yaxın günlərdə Barselonaya gedib tibbi müayinədən keçəcəyi və rəsmi müqaviləyə imza atacağı bildirilir.

Qeyd edək ki, Vidalın adı “İnter”lə hallanırdı. Hətta onun italyan klubuna keçidə razılıq verdiyi söylənilirdi.