"Barselona"nın prezidenti Josep Maria Bartomeu gələn mövsüm üçün daha güclü heyət qurmaq məqsədi ilə fəaliyyətə başlayıb. Kataloniya klubunun heyətinə qatacağı bəzi futbolçular artıq bəllidi.

"Barselona"nın hədəfindəki əsas futbolçu "Atletiko"nun ulduzu Antoine Qrizmanndı. Kataloniyalıların mövsümün sonunda fransız futbolçunu heyətə qatacağı iddia edilir.

Andres İnyesta komandadan ayrılacaq və onun yerini Artur tutacaq. "Barselona" artıq braziliyalını 30 milyon avroya transfer etdiyini açıqlayıb.

"Barselona"nın növbəti transfer bombası "Bavariya"dan David Alaba olacaq. Bu futbolçu ilə "Real" da maraqlanır, amma kataloniyalıların daha şanslı olduğu bildirilir.