Bakıda, “Aquatic Palace” Su İdmanı Sarayında Azərbaycan xalqının Ümummilli Lideri Heydər Əliyevin anadan olmasının 100 illiyinə həsr edilmiş su polosu üzrə gənclər komandaları arasında “Qələbə” turniri keçirilib.
BrendSport.az xəbər verir ki , turnir Azərbaycan Üzgüçülük Federasiyası və “Qarabağ VP” su polosu klubunun dəstəyi ilə təşkil olunub.
2008-2009-cu il təvəllüdlü gənclərin iştirakçısı olduğu yarışlarda 6 komanda mübarizə aparıb. Gərgin yarışların yekunlarına görə “Forsaj Club” komandası birinci, “SKA” komandası ikinci və “145 Group” komandası üçüncü yeri tutub.
Qaliblərə xatirə hədiyyələrini və mükafatları Bakıdakı Rus evinin rəhbəri İrek Zinnurov təqdim edib.