PSJ-nin qapıçısı Keylor Navas Kosta-Rika millisinin heyətində zədələnib.
BrendSport.az xəbər verir ki, 34 yaşlı qolkiper dünya çempionatının seçmə mərhələsi çərçivəsində ABŞ-a qarşı oyunda (1:2) sıradan çıxıb.
Futbolçu bir hissə oynayıb və sonra əvəzlənib. Navasın bərpa müddəti tibbi müayinədən keçdikdən sonra müəyyənləşəcək.
Keylor Fransa Liqasında "Anje" (15 oktyabr) və Çempionlar Liqasının qrup mərhələsində "Leyptsiq"lə (19 oktyabr) görüşdə iştirak etməyəcək.
Qeyd edək ki, Navas 2019-cu ildən Paris təmsilçisində forma geyinir.