İtaliyanın Olbia şəhərində gənc cüdoçular arasında keçirilən dünya çempionatının üçüncü yarış günündə 81 kiloqram çəki dərəcəsində mübarizə aparan Azərbaycan idmançısı Elcan Hacıyev yarımfinala vəsiqə qazanıb.
BrendSport.az xəbər verir ki, tatami ustası özbəkistanlı Nurbek Murtozoyev, daha sonra braziliyalı Markos Santosu və italiyalı Nosa Brıght Maddalonı məğlub edərək yarımfinala yüksəlib.
Qeyd edək ki, turnirin birinci günündə Turan Bayramov (60 kq) gümüş medal qazanıb.
Oktyabrın 10-dək davam edəcək yarışa 73 ölkədən 500-dən çox cüdoçu qatılıb.