“Mançester Yunayted”in əfsanəsi keçmiş baş məşqçisi Ser Aleks Ferqyusonun komandadan ayrılmasından bəri klub uğurlu nəticələr əldə edə bilmir.

“Qırmızı şeytanlar”ın baş məşqçisi olduğu 26 ildə kluba 38 kubok qazandıran Ferqyusondan sonra ardıcıl olaraq Devid Moyes, Rayan Giqqz, Lui Van Qal baş məşqçi təyin olunsa da, uğurlu nəticələr əldə olunmayıb. Hazırkı baş məşqçi Joze Maurinyo da “şeytanlar”da Aleks Ferqyusonun yerini doldura bilmir.

Ferqyuson “Mançester Yunayted”də keçirdiyi 26 ildə 716 milyon avro xərcləyib. Ondan sonra komandanın “sükanı arxasına” keçən 4 mütəxəssis isə cəmi 5 ilə daha artıq xərclə heç bir uğur qazana bilməyiblər.