Futbol üzrə Azərbaycan millisi noyabrın 27-də rəsmən açıqlanan FIFA reytinqində 1180 xalla 109-cu olub. Yığmamız son 14 ay üçün ən yaxşı nəticəsinə imza atıb.
BrendSport.az xəbər verir ki, komandamız sonuncu dəfə 2019-cu ilin sentyabrında belə yüksək mövqedə qərarlaşıb. Həmin vaxt milli indiki kimi 109-cu olub.
Ötən ayla müqayisədə 5 pilləlik irəliləyiş son 29 ayın ən yaxşı nailiyyətidir. Yığma son belə yüksəlişə 2018-ci ilin iyununda nail olub. Həmin vaxt komandamız 21 addım irəliləyib.