"Qarabağ"ın sabiq futbolçusu, hazırda Çinin "Xançjou Qrintaun" klubunda çıxış edən Dino Ndlovu ağdamlıların transfer etmək istədiyi Xama Billiata məsləhət verib.

CAR millisinin üzvü Qurban Qurbanovun necə mütəxəssis olduğunu izah edib:

"Xama Billiata məsləhətim odur ki, "Qarabağ"a transfer olsa, ancaq futbol barədə düşünməli və sadiq olmalıdı. Baş məşqçi Qurban Qurbanov diktator kimidir (gülür). O, gecə klublarını sevən, belə klublara gedən futbolçuları sevmir. Şəhər haqqında hər şeyi bilir. Çox şeyə nəzarət edir. O, müəyyən vaxtlarda futbolçulara evdə olmasını bildirir və bunu etməyənləri cərimələyir. Qurbanov oyunçuların futbola bağlı olmasını istəyir. Billiat "Qarabağ"a keçərsə, ancaq futbol haqqında fikirləşməlidir".