Azərbaycan Premyer Liqası: "Səbail" - "Araz-Naxçıvan" oyununda qalib müəyyənləşməyib
17-02-2024, 20:45
Azərbaycan Premyer Liqasında XXIII turun növbəti oyunu keçirilib.
BrendSport.az xəbər verir ki, günün ikinci matçında "Səbail" və "Araz-Naxçıvan" komandaları üz-üzə gəliblər. "ASCO Arena"da reallaşan qarşılaşma qollu sülhə yekunlaşıb - 2:2.
Hesabı 13-cü dəqiqədə meydan sahiblərinin heyətində Aleksandr Ramalinqom açıb. 31-ci və 35-ci dəqiqələrdə Orxan Əliyev dubl etməklə komandasını önə keçirsə də, 61-ci dəqiqədə Aleksandr Ramalinqom növbəti qola imza ataraq, matçın yekun nəticəsini müəyyənləşdirib.
Turun açılış oyununda "Sabah" doğma meydanda "Kəpəz"ə 3:2 hesabı ilə qalib gəlib.
Bu nəticədən sonra aktivlərində 31 xal olan "Araz-Naxçıvan" və "Səbail” beşinci və altıncı yerləri bölüşürlər. Turnir cədvəlinə 51 xalla "Qarabağ" başçılıq edir.
Qeyd edək ki, XXIII turun “Sumqayıt” – “Turan Tovuz” və “Neftçi” – “Zirə” oyunları fevralın 18-də keçiriləcək. “Qəbələ” – “Qarabağ” oyunu isə təxirə salınıb.
Geri qayıt