Bu gün Azərbaycan kuboku yarışlarında ikinci finalçı müəyyənləşəcək
27-04-2023, 14:05
Bu gün futbol üzrə Azərbaycan kuboku yarışlarında ikinci finalçı müəyyənləşəcək.
BrendSport.az xəbər verir ki, yarımfinalın növbəti cavab oyununda “Səbail” klubu “ASCO Arena”da “Qəbələ”ni qəbul edəcək.
Komandalar arasında keçirilmiş ilk matçda “Qəbələ” 3:2 hesablı qələbə qazanıb. Baş məşqçi Elmar Baxşıyevin komandasına finala yüksəlmək üçün heç-heçə də kifayət edəcək. “Səbail” isə mütləq qələbə qazanmalıdır.
FIFA referisi Əliyar Ağayevin idarə edəcəyi görüş saat 20:00-da başlayacaq.
Bu cütün güclüsü finalda “Neftçi”yə rəqib olacaq.
Qeyd edək ki, ölkə kubokunun final oyunu iyunun 3-də "Bakcell Arena"da keçiriləcək.
Geri qayıt