Paris-2024: Millimizin bayraqdarları müəyyənləşib
8-08-2024, 11:30
Azərbaycan millisinin Paris-2024 Yay Paralimpiya Oyunlarındakı bayraqdarları bəlli olub.
BrendSport.az xəbər verir ki, bunu Milli Paralimpiya Komitəsinin baş katibi Toğrul Rəhimov açıqlayıb.
O, Azərbaycan İdman Akademiyasında Paris-2024 Yay Paralimpiya Oyunları ilə bağlı təşkil olunan mətbuat konfransında qeyd edib ki, yığmamız tarixində ilk dəfə 7 idman növündə iştirak edəcək. Qurum rəsmisi bildirib ki, açılış mərasimində bayraqdarlarımız dünya və Avropa çempionu İmaməddin Xəlilov və Lamiyə Vəliyeva olacaq.
Qeyd edək ki, Paralimpiada avqustun 28-dən sentyabrın 8-dək keçiriləcək. İmaməddin parataekvondo, Lamiyə paraatletika yarışlarında çıxış edəcək.
Geri qayıt