Kişi voleybolçularımızdan əzmkar qələbə
15-08-2018, 21:50
Voleybol üzrə kişilərdən ibarət Azərbaycan milli komandası 2019 Avropa çempionatının seçmə mərhələsində ilk oyununu keçirib.
G qrupunda mübarizə aparan yığma İsveçlə üz-üzə gəlib. Dərnəgül Voleybol Mərkəzində baş tutan qarşılaşma Azərbaycan millisinin əzmkar qələbəsi ilə başa çatıb - 3:2.
İlk iki setdə rəqibinə məğlub olan yığma növbəti üç setdə qələbə qazanıb. Bu nəticədən sonra Azərbaycan millisi aktivinə 2, İsveç isə 1 xal yazdırıb.
Qeyd edək ki, Azərbaycan yığması növbəti oyununu avqustun 18-i səfərdə Lüksemburqa qarşı keçirəcək.
Azərbaycan - İsveç 3:2 (23:25,19:25, 26:24, 25:22, 15:10)
Geri qayıt