Azərbaycan karateçiləri Avropa çempionatında üç medal qazanıblar
Bu gün, 13:43
Azərbaycan Karate Federasiyasının Kyokuşin (kay) Senşi üslubu üzrə milli komandasının üzvləri Belçikanın Gent şəhərində keçirilən XV IKOKU Avropa çempionatında üç medal qazanıblar.
BrendSport.az xəbər verir ki, oktyabrın 24-25-də təşkil olunan qitə birinciliyində Azərbaycan təmsilçiləri bir qızıl, bir gümüş və bir bürünc mükafata sahib olublar.
Yarışda U-18 yaş qrupunda +60 kiloqram çəki dərəcəsində mübarizə aparan Selcan Babayeva bütün rəqiblərini geridə qoyaraq Avropa çempionu adını qazanıb.
U-21 yaş kateqoriyasında +80 kiloqram çəki dərəcəsində çıxış edən Cəmil Kazımlı gümüş, böyüklər arasında 70 kiloqram çəki dərəcəsində yarışan Sahil Musazadə isə bürünc medala layiq görülüb.
Geri qayıt