Bilyard üzrə Azərbaycan yığması dünya çempionatlarında iştirak edəcək
13-01-2024, 11:25
Bilyard üzrə Azərbaycan milli komandasının 2024-cü ildə iştirak edəcəyi beynəlxalq yarışların siyahısı açıqlanıb.
BrendSport.az xəbər verir ki, yığma yeddi beynəlxalq turnirdə qüvvəsini sınayacaq.
Milli komanda fevralın 26-da Qırğızıstanda “Qarışıq Piramida”, iyunun 11-17-də Rusiyanın Surqut şəhərində “Sərbəst Piramida”, noyabrın 17-24-də isə Novosibirskdə “Piramida” üzrə dünya çempionatına qatılacaq. Azərbaycan yarışlarının hər birində dörd bilyardçı ilə təmsil olunacaq.
Yığmanı aprelin 11-13-də “Euro Tour men-Dynamic Billard TBA Open”, aprelin 15-24-də “Dynamic Billard European Pool Championships”, sentyabrın 28-də Gürcüstanın Batumi şəhərində EPBF “Ajara Cup”, noyabrın 14-16-da isə Türkiyənin Antalya şəhərində “EuroTour men - Dynamic Billard Antalya Open” turnirləri gözləyir.
Geri qayıt