“AZE U-16” basketbol komandası “Alov”a, BBA isə PH klubuna qalib gəlib
8-04-2023, 11:56
Azərbaycan Texniki Universitetinin idman zalında qadın basketbolçular arasında Azərbaycan kuboku yarışlarının qrup mərhələsinin növbəti oyunları keçirilib.
BrendSport.az xəbər verir ki, günün ilk oyununda “AZE U-16” və “Alov” komandaları qarşılaşıblar. Bu görüşdə “AZE U-16” komandası 104:43 hesabı ilə rəqibinə qalib gəlib.
Günün ikinci oyununda BBA komandası PH kollektivi ilə üz-üzə gəlib. BBA komandası rəqibi üzərində 64:25 hesablı qələbəyə sevinib.
Bu nəticələrdən sonra “AZE U-16” adı ilə iştirak edən qızlardan ibarət millimiz turnir cədvəlinə liderlik edir.
Geri qayıt