Pekin Olimpiadasına gələnlər arasında koronavirusa 45 yeni yoluxma halı aşkarlanıb
5-02-2022, 10:57
Çin hakimiyyəti Pekin Olimpiadasına gələn insanlar arasında 45 yeni koronavirusa yoluxma halı aşkarlayıb.
BrendSport.az xəbər verir ki, bu barədə təşkilat komitəsi məlumat verib. Məlumatda bildirilib ki, fevralın 4-də Çinə 287 nəfər gəlib, onlardan 138-i idmançı və rəsmi şəxslər, 149-u komanda nümayəndələridir.
Hava limanında və mehmanxanada aparılan PCR testləri nəticəsində 45 yeni yoluxma halı aşkarlanıb ki, onlardan da 25-i idmançı və rəsmi şəxslər, 20-si komanda nümayəndələridir.
Qeyd edək ki, Qış Olimpiya Oyunlarına fevralın 20-də yekun vurulacaq.
Geri qayıt