Azərbaycan basketbolu növbəti dəfə FIBA dərəcəli hakimlərimizlə Avropa arenasında təmsil olunacaq
Bu gün, 14:49
Beynəlxalq hakimlərimiz, yeniyetmə oğlan və qız komandalarının iştirak edəcəyi Avropa çempionatının oyunlarında ölkəmizi təmsil edəcəklər.
BrendSport.az xəbər verir ki, ali basketbol qurumu FIBA -nın ölkəmizdən seçdiyi 3 hakim - Urfan Bayramlı, Toğrul Həsənov, Ruslan Xalıqov və bir hakim-komissar Asif Bağışov müvafiq olaraq aşağıdakı ölkələrdə keçiriləcək yarışlarda iş başında olacaqlar.
Urfan Bayramlı: FIBA U20 EuroBasket (B divizionu) | Slovakiya, 10–19 iyul
Toğrul Həsənov: FIBA U20 qadınlar (Bolqarıstan, 4–12 iyul) və U18 qadınlar (Rumıniya, 31 iyul – 9 avqust) EuroBasket (B divizionu)
Ruslan Xalıqov: FIBA U18 (Xorvatiya, 24 iyul – 2 avqust) və U16 Qadınlar (Slovakiya, 10–15 avqust) EuroBasket (B divizionu)
Asif Bağışov: FIBA U16 EuroBasket (B divizionu) | Şimali Makedoniya, 6–15 avqust.
Geri qayıt