Bu gün minifutbol üzrə Azərbaycan millisi Gürcüstan yığması ilə qarşılaşacaq
3-05-2023, 12:00
Bu gün minifutbol üzrə Azərbaycan millisi Bakıda Ümummilli Lider Heydər Əliyevin 100 illik yubileyinə həsr olunmuş beynəlxalq turnirində növbəti oyununu keçirəcək.
BrendSport.az xəbər verir ki, A qrupunda yer alan millimiz üçüncü tur çərçivəsində Gürcüstan seçməsi ilə üz-üzə gələcək.
Bakı Tennis Akademiyasında keçiriləcək matç saat 20:30-da başlayacaq.
Bu gün, həmçinin A və B qruplarında əvvəlcə üçüncü turun matçları oynanılacaq. Eyni zamanda, hər qrupda dördüncü turun da bir görüşü təşkil ediləcək.
Millimiz ilk iki turda Çexiya ilə qolsuz heç-heçə edib, İtaliyaya isə qalib gəlib – 2:0.
Qeyd edək ki, qrup birinciləri yarımfinala, 2-3-cü yerləri tutacaq komandalar isə pley-offa vəsiqə qazanacaqlar.
Geri qayıt