Avro-2024: İtaliya millisini məğlub edən İspaniya 1/8 finala yüksəlib
21-06-2024, 01:30
Almaniyada təşkil olunan Avropa çempionatında daha bir oyun keçirilib.
BrendSport.az xəbər verir ki, B qrupunda turnirin favoritlərindən hesab olunan İspaniya və İtaliya yığmaları üz-üzə gəliblər. Matçın taleyini 1 qol həll edib. İtaliya millisinin heyətində Rikkardo Kalafiorinin 55-ci dəqiqədə öz qapısına vurduğu top ispanlara qələbə qazandırıb.
Bu nəticə ilə xallarını 6-ya çatdıran İspaniya millisi 1/8 finala vəsiqə qazanıb. 3 xalı olan İtaliya seçməsi isə ikincidir.
Qeyd edək ki, bu qrupun əvvəlki oyununda Xorvatiya və Albaniya yığmaları məhsuldar heç-heçə ediblər - 2:2. Hərəyə 1 xalı olan komandalar 3-4-cü yerləri bölüşdürür.
Geri qayıt