AVRO-2024: Türkiyə millisi Xorvatiyaya qarşı, Şotlandiya final mərhələsinə vəsiqə qazana bilər
12-10-2023, 11:56
Bu gün AVRO-2024-ün seçmə mərhələsində VII turun matçlarına start veriləcək.
BrendSport.az xəbər verir ki, ilk oyun günündə səkkiz qarşılaşma keçiriləcək.
A qrupunda Şotlandiya millisi səfərdə İspaniyanın qonağı olacaq. Digər oyunda Kipr seçməsi Norveçi qəbul edəcək. Britaniyalılar bu tur qitə çempionatının final mərhələsinə vəsiqəni təmin edə bilərlər. Bunun üçün özləri İspaniyaya uduzmamalı, Norveç yığması isə kiprlilərlə görüşdə xal itirməlidir.
D qrupunda Latviya millisi Ermənistanı, Xorvatiya seçməsi isə Türkiyəni sınağa çəkəcək. Yeri gəlmişkən, “ay-ulduzlular” yeni baş məşqçisi Vinçentso Montellonun rəhbərliyi altında ilk matçına çıxacaq.
E qrupunda Albaniya Çexiya ilə, Farer adaları Polşa ilə münasibətlərinə aydınlıq gətirəcək.
Nəhayət, İ qrupunda Kosovo Andorranın, Rumıniya isə Estoniyanın qonağı olacaq. Bu qrupun İsrail – İsveçrə oyunu hərbi vəziyyətlə əlaqədar təxirə salınıb.
AVRO-2024-ün seçmə mərhələsi
VII tur
12 oktyabr
A qrupu
22:45. Kipr – Norveç
22:45. İspaniya – Şotlandiya
Xal durumu: Şotlandiya – 15 xal (5 oyun), İspaniya – 9 (4), Norveç – 7 (5), Gürcüstan – 4 (5), Kipr – 0 (5)
D qrupu
20:00. Latviya – Ermənistan
22:45. Xorvatiya – Türkiyə
Xal durumu: Xorvatiya – 10 (4) , Türkiyə - 10 (5), Ermənistan – 7 (5), Uels – 7 (5), Latviya – 0 (5)
E qrupu
22:45. Albaniya – Çexiya
22:45. Farer adaları – Polşa
Xal durumu: Albaniya – 10 (5), Çexiya – 8 (4), Moldova – 8 (5) , Polşa – 6 (5), Farer adaları – 1 (5)
İ qrupu
22:45. Andorra – Kosovo
22:45. Belarus – Rumıniya
Xal durumu: İsveçrə - 14 (6), Rumıniya – 12 (6), İsrail – 11 (6), Belarus – 4 (6), Kosovo – 4 (6), Andorra – 2 (6)
Geri qayıt