"Bizdə əhval-ruhiyyə o səviyyədə deyil" - Aftandil Hacıyev
9-05-2021, 00:12
"Çempionatda sona yaxınlaşırıq. Oyunlar gərgin keçir. Düşünürəm ki, psixoloji vəziyyətdə daha güclü olan qalib gəldi. Bu günə qədər çətinliklə gəlib çıxmışıq. Oyunçulara sərf etdikləri gücə görə təşəkkür edirəm".
BrendSport.az xəbər verir ki, bu sözləri "Səbail"in baş məşqçi Aftandil Hacıyev Azərbaycan Premyer Liqasının 26-cı turunda evdə "Neftçi"yə 0:4 hesabı ilə uduzduqları oyundan sonra mətbuat konfransında deyib.
O bildirib ki, oyun haqqında çox danışmaq istəmir: "Rəqib qələbəyə layiq idi. Onlar təbrik edirəm".
Hacıyevin sözlərinə görə, Amil Yunanovu zədəyə görə əvəzləyib: "Amil həftəiçi məşqdə xəsarət alıb.
Baş məşqçi oyunun sonlarında Rauf Əliyevin də zədələnməsinə üzüldüyünü vurğulayıb: "Hazırda Rauf xəstəxanaya gedib. Başında çoxlu açılma olduğundan, həkim müdaxiləsinə ehtiyac var".
"Səbail"in çalışdırıcısı komandada arxayınlığın olmadığını söyləyib: "Rəqib daha istəkli idi. Bizdə əhval-ruhiyyə o səviyyədə deyil. Digər komandalarla "Neftçi" və "Qarabağ" arasında uçurum var".
Geri qayıt