Basketbol Liqası: “AAAF Xırdalan” turnir cədvəlində liderliyə yüksəlib
30-03-2023, 09:04
Azərbaycan Basketbol Liqasında XXIII tura start verilib.
BrendSport.az xəbər verir ki, turun açılış oyununda “Sabah” və “AAAF Xırdalan” komandaları üz-üzə gəliblər.
“Sərhədçi” İdman Mərkəzində keçirilən matçda Xırdalan təmsilçisi 84:69 hesablı qələbə qazanıb. Görüşün ən məhsuldar basketbolçuları "Sabah"dan Entoni Patti (20 xal, 12 ribaund), “AAAF Xırdalan”dan isə Deymon Makdouel (28 xal, 5 ribaund) olublar.
Bu qələbə ilə xallarının sayını 39-a çatdıran “AAAF Xırdalan” turnir cədvəlində liderliyə yüksəlib. Eyni xala malik "Sabah" isə ikinci pilləyə geriləyib.
Qeyd edək ki, turun NTD - "Olimpik Şəki", "Neftçi” - "Sərhədçi", "Gəncə" - "Zirvə Astara" oyunları aprelin 1-2-də keçiriləcək.
Geri qayıt